Басты Жаңалықтар 32 млн: «Интернет алаяқтарға алданып қалдым»

32 млн: «Интернет алаяқтарға алданып қалдым»

05.10.2025 19:50

Интернет алаяқтары айылын жияр емес. Әдіс-тәсіл, айла-амалдары түрленіп, жаңарып барады. Тіпті қалыптасқан ситуациядан хабары мол адамдарды сан соқтырып жатыр.

Киберқылмысқа қарсы полиция департаментінің ақпары бойынша, интернет алаяқтардың кесірінен азаматтарымыз тек биыл 29 миллиард теңгеден астам қаржысынан айырылған.

Енді мына мәселеге назар аударсақ: «Банк және банк қызметі туралы» заңның 30-бабында былай делінген:

«Банк құпиясын құрайтын ақпаратқа заңсыз қол жеткізілгені, оның заңсыз өзгертілгені анықталған кезден бастап банк бір жұмыс күні ішінде бұл туралы клиентке және уәкілетті органға хабарлайды».

Яғни, банк заңсыз әрекет болғанын білген сәттен бастап, бір күн ішінде азаматтарды міндетті түрде хабардар етуі тиіс. Сонымен қатар екі жұмыс күні ішінде заңсыз әрекеттерді жою үшін, ал он жұмыс күні ішінде оның салдарын түзету үшін шаралар қабылдауы керек.

Сонымен бірге, сот клиенттің алаяқтыққа байланысты шынымен зардап шеккенін мойындаса, банк одан қарызды толықтай алып тастауға міндетті. Егер жәбірленуші сол қарыз үшін ақша төлеп қойған болса, ол қаражат та қайтаруы тиіс.

Бірақ Елдос Есенболдың сторителлинг-сюжетіндегі кейіпкерлерді тыңдасақ, банктер несие беріп және өндіріп алуды ғана білетін секілді.

Автор

Елдос Есенбол

Бөлісу