Еліміздің үш аймағында қар аралас жаңбыр жаууы мүмкін

Осы аптада еліміздің солтүстігі мен шығысында қар аралас жаңбыр жаууы мүмкін. Сол себепті жүргізушілерге жылдамдық арттырмай, көлік арасындағы қашықтықты сақтаған жөн.

«ҚазАвтожол» Ұлттық компаниясының өкілдері республикалық автожолдардағы ауа райы туралы мәліметтерді жариялады. Абай, Ақмола және Павлодар облыстарына жол жүруді жоспарлаған азаматтарға барынша жол ережесін сақтау керегін ескертті. Сондай-ақ 1403 байланыс орталығына хабарласып, тәулік бойы қосымша ақпарат алуға болады делінген хабарламада.