Шахтинск қаласында 1500 көшет отырғызылмақ

Қарағанды облысы Шахтинск қаласында 1500 көшет отырғызылмақ. «Таза Қазақстан» экологиялық акциясы аясында орталық саябақта көгалдандыру жұмыстары жүргізілді. Оған қала тұрғындары, мектеп оқушылары мен студенттер белсенді қатысуда. Табиғат жанашырлары бірігіп, саябақ аумағын абаттандырып қана қоймай, тазалығы мен көркіне үлес қосты. Уақыт өте бұл жер қала тұрғындарының демалыс орнына айналмақ. Ағаш егу жұмыстары алдағы күндері де жалғасады.

Мұрат Қыдырғанбеков, Шахтинск қаласының әкімі:

Ағаш отырғызылу жұмыстары бүгін басталып, апта соңына дейін жалғасады. Қаламызда акция аясында барлық жоспарланған абаттандыру, тазалық жұмыстары толығымен аяқталып жатыр.