Дана Әбдірова дзюдодан ӘЧ күміс жүлдегері атанды

Дзюдодан Ұлттық құрама мүшесі Дана Әбдірова жастар арасындағы Әлем чемпионатының күміс жүлдегері атанды. 57 келіге дейінгі салмақта белдесетін отандасымыз финалға дейін сүрінбей жетіп, чемпиондық атақ сарапқа салынға күресте жапониялық жас дзюдошы Мио Шираканеге есе жіберді. Дана жарыс барысында бес кездесу өткізді. Іріктеу кезеңінде алдымен жеке бейтарап спортшыны тізе бүктірсе, 1/8 финалда поляк қызын айқын басымдықпен жеңді. Ширек финалда жапониялық Уено Асукадан айласын асырса, жартылай финалда Бразилия өкілін қапы қалдырды.