Басты Жаңалықтар Астанада XII Азаматтық форум өтеді

Астанада XII Азаматтық форум өтеді

07.10.2025 13:05

15-16 қазан күндері Астанада XII Азаматтық форум өтеді. Жиында 20-ға жуық панельдік сессия ұйымдастырылады. Талқыланатын негізгі тақырыптардың қатарында цифрлық дәуірдегі жаңа қайырымдылық стандарттары, тұрғын үй-коммуналдық шаруашылығын жаңғырту, отбасы институтының проблемалары, сондай-ақ медиацияны дамыту мәселесі бар. Медиация – қоғамдағы дауларды сотқа жеткізбей шешудің тиімді жолы, диалог мәдениетін қалыптастырудың маңызды құралы. Ал осы ұрыс-керіс пен дауды мәмілеге келіп шешу қазіргі қоғамға керек ең қажетті ұстаным, - дейді сарапшылар.

Жанар Үсіпбекова, Халықаралық кәсіби медиаторлар мен заңгерлер институтының төрайымы:

Осы форумда Азаматтық қоғамның тұжырымдамасы талқыланады. Құжаттың ішіндегі ең басты бағыты – медиация институтының дамуы. Шетелдік тәжірибеге сүйенсек, жанжалдардың 80-90 проценті осы медиация, яғни татуласу арқылы шешіледі. Соны біз осы форумда талқылаймыз.

Автор

Ернұр Медет

Бөлісу