«TALIS» зерттеуі: Білім беру жүйесінде оң өзгерістер бар

Қазақстанның білім беру жүйесінде оң өзгерістер бар. Экономикалық ынтымақтастық және даму халықаралық ұйымы елімізде жүргізген зерттеу нәтижесін жариялады.

TALIS-2024 зерделеуі бойынша Қазақстанда 7 мыңнан астам педагог 369 мектеп директорының ой-пікірі сараланып, арнайы сауалнама жүргізілген. Мәселен, ұстаздардың апталық жұмыс жүктемесі 50 сағаттан 36 сағатқа қысқарып, еңбек нормасы қалыпқа түскен. Сондай-ақ мектептерде ғылыми атақ дәрежесі бар мұғалімдердің саны көбейген. Ең бастысы педагогтардың басым бөлігі жалақысына көңілі толатынын жеткізген.

Жұлдыз Сүлейменова, ҚР Оқу-ағарту министрі:

TALIS-2024 зерттеуі бүгінгі таңда елімізде педагогтарды қолдау реформаларының өте тиімділігін көрсетеді. Бұған қатысты Мемлекет басшысының Оқу-ағарту министрлігіне берген нақты тапсырмалары бар. Аталған тапсырмаларды сапалы орындауды одан ары жалғастыратын боламыз.