Ресейде қатерлі ісікке шалдыққандар үш есе көбейді

Ресейде қатерлі ісікке шалдыққандар үш есе көбейген. Әсіресе Мәскеу, Санкт-Петербург және Архангельск облыстарында науқас көп. Биыл бұл аурумен күреске 390 миллиард рубль жұмсалған, алайда нәтиже жоқ. Мәскеу және Санкт-Петербург қалаларында қатерлі ісікке қарсы екі вакцина шығарылды. Ресей астанасында жасалған вакцина сынақтан өткізіліп, айналымға шығарылды. Ал екінші екпе 2026 жылы дайын болады дейді мамандар.

Антон Гурин, онколог:

Төрт миллионнан астам науқас қазір ем қабылдауда. Қатерлі ісікке шалдыққандардың орта жасы 65. Әсіресе тері қатерлі ісігі көбейген. Тұрғындар скринингтен өткісі келмейді, дер кезінде дәрігерге қаралмайды. Сондықтан жыл сайын науқас саны артуда.