Жетісу облысында үш бүлдіршінге иіс тиіп, ауруханаға түсті

Жетісу облысы Балпық би ауылында үш бүлдіршін көмірқышқыл газына уланып, ауруханаға түсті. Олардың бірі жаңа туған нәресте. Зардап шеккен балалар дереу аудандық емханаға жеткізілген. Дәрігерлер олардың жағдайын орташа ауыр деп бағалап отыр. Ал, төтенше жағдай қызметі мамандарының мәліметінше, көмір жағатын пештің мұржасы уақытылы тазаланбаған. Тексеру жүріп жатыр.