Басты Жаңалықтар ШҚО-да Маралды ауылында өлген сиырлардан жұқпалы ауру анықталған жоқ

ШҚО-да Маралды ауылында өлген сиырлардан жұқпалы ауру анықталған жоқ

08.10.2025 17:19

Шығыста Күршім ауданы Маралды ауылында өлген сиырлардан жұқпалы ауру анықталған жоқ. Арнайы зертхана мамандары бір айға жуық жан-жақты таксикологиялық зерттеу жүргізді.

Нәтижесінде 8 ірі қарадан алынған сынамадан сібір жарасы, пастереллёз сияқты дерттің вирусы табылмаған. Айналасы бірнеше күнде сиырлардың неден өлгенін нақты анықтау үшін мамандар жем-шөп, су мен топырақ және биоматериалға қосымша зерттеу жүргізіп жатыр. Мұндай талдау Күршім ауданымен шекаралас Үлкен Нарын ауданының Балғын және Көктерек ауылдарында да жүргізіледі.

Рамиль Сағындықов, ШҚО ветеринария басқармасының басшысы:

Барлық сынаманы әр жерге жібереміз. Әр лабораторияға. Әрі қарай зерттейміз. Мал неден өлді? Мәселе мына 8 баста емес қой. Мында бір жарым мың бас ірі қара бар. Осыны сақтап қалу үшін.

Автор

Олжас Керейхан

Бөлісу