Жүргенов академиясы мен Ресей театр өнері институты ынтымақтастықты арттыру бойынша келісімге қол қойды

Мәдениет және ақпарат министрі Аида Балаева Мәскеуде өткен мәдени-гуманитарлық ынтымақтастық жөніндегі кіші комиссияның отырысына қазақстандық делегацияны бастап барды. Отырыс барысында ресейлік әріптесі Ольга Любимовамен ынтымақтастықты бекіте түсу жолдарын талқылады. Екі тарап кино, кітапхана, мұражай бойынша әріптестік көкжиегін кеңейту жағын да назардан қалдырмады. Кіші комиссия отырысы барысында әріптестікті тереңдету үшін алдағы жоспарлар бекіп, мақсаттар айқындалды. Жүргенов атындағы Ұлттық өнер академиясы мен Ресей театр өнері институты ынтымақтастықтың тиімділігін арттыру бойынша жол картасына қол қойды.