Мәжіліс депутаттары 140 түп ағаш отырғызды

Ал Ерлан Қошанов бастаған мәжіліс депутаттары Қалибек Қуанышбаев атындағы Қазақ ұлттық музыкалық драма театры жанындағы Аллеяда 140 түп тал екті. Мәжіліс спикерінің айтуынша, бұл бастама елді тазалықты сақтап, табиғатты құрметтеу идеясының төңірегіне біріктіретін жалпыхалықтық қозғалысқа ұласты. Науқан экологиялық жауапкершілік мәдениетін нығайтып, қоршаған ортаны сақтауға атсалысатын игі дәстүрге айналып келеді. «AMANAT» партиясының белсенділері мен «Жастар Рухы» жастар қанатының мүшелері де шарадан тыс қалмады. Олар «Күйшiлер» аллеясының жиегіне қарағай, шетен, тал және жөке ағаштарының 100-ге жуық көшетін екті.