Өзбекстанда Қазақстанның медицина күндері басталды

Өзбекстанда Қазақстанның медицина күндері басталды. Екі елдің дəрігерлері тəжірибе алмасып, жетістіктерін көрсетеді. Бұл туралы еліміздің Денсаулық сақтау министрлігі хабарлады. Ұлттық нейрохирургия орталығы, акушерлік жəне кардиохирургиялық орталықтың дəрігерлерінен құралған бригадалар Өзбекстанға аттанды. Қазанның 13-і мен 17-сі аралығында Сызғанов атындағы Ұлттық хирургия орталығының бес бригадасы Ташкентте 17 күрделі ота жасайды деп жоспарланған. Сонымен қатар бірнеше шеберлік сабақтарын өткізеді. Қазақстанның медицина күндерін өткізу тəжірибе алмасу ғана емес. Мұндай игі бастама ғылыми əлеуетті біріктіріп, аймақтық ынтымақтастықты дамытуға, Орталық Азия мемлекеттеріне ортақ медициналық кеңістік құруға жол ашады.