Президент «Швейцария – Қазақстан» парламенттік достық тобының мүшелерімен кездесті

Мемлекет басшысы «Швейцария – Қазақстан» парламенттік достық тобының мүшелерімен кездесті. Қасым-Жомарт Тоқаев 2021 жылы Швейцарияға жасаған ресми сапары екі ел арасындағы серіктестікті нығайтуға берік негіз қалағанын айтты. Президенттің сөзінше швейцариялық депутаттардың елімізге келуі жан-жақты ықпалдастықты дамытуға қос тараптың ниетті екенін көрсетеді. Топ үйлестірушісі Филиппо Ломбарди Швейцарияның серіктестік байланыстарды кеңейтуге және бірлескен бастамаларды жүзеге асыруға мүдделі екенін айтты. Кездесуде Астана мен Берн арасындағы сауда-инвестициялық ынтымақтастық пен халықаралық ұйымдар аясындағы өзара іс-қимыл мәселелері талқыланды.