Жыл басынан бері 600 мыңнан аса адам жұмысқа кірді

Жыл басынан бері 600 мыңнан астам адам жұмыспен қамтылған. Оның ішінде 270 мыңға жуық азаматқа жұмыс табуға көмектесетін арнайы бағдарламалар арқылы қолдау көрсетілді. Сонымен қатар «Бастау Бизнес» жобасы аясында 45 мыңнан астам адам кәсіпкерлік негіздеріне меңгеріп, сертификат алды. Жалпы, екі қолға бір күрек тауып беру бірнеше бағыт бойынша жүзеге асып жатыр. Мысалы, электронды еңбек биржасы арқылы арнайы мемлекеттік жобалар мен Президент бастамасы аясында мыңдаған адам жұмысқа орналасқан. Бұл ақпарат зейнетақы жарналарын тексеру арқылы расталады. Сондай-ақ биыл халықтың әлеуметтік осал топтарына өз ісін бастау үшін 9 мыңға жуық қайтарымсыз грант берілді.