Мемлекет басшысы Дүниежүзілік допингке қарсы агенттіктің президентін қабылдады

Мемлекет басшысы Дүниежүзілік допингке қарсы агенттіктің президенті Витольд Баньканы қабылдады. Қасым-Жомарт Тоқаев агенттіктің заңға қайшы әрекеттерді тоқтату бағытында жасаған қадамдарын атап өтіп, Витольд Баньканы Қазақстан спортын дамытуға қосқан үлесі үшін ІІ дәрежелі «Достық» орденімен марапаттады. Өз кезегінде дүниежүзілік агенттік Президенті Қазақстанның спорт құрылымдарымен ықпалдастығы берік екенін жеткізіп, ризашылығын білдірді.

Айта кетсек, бүгінде елімізде допингке қарсы сынамалар зертханасы жұмыс істейді. Оның құрамында Орталық Азия елдері, Моңғолия және Ауғанстан бар.