Жетісу облысын ауызсумен қамтуға 480 млн теңге бөлінді

Үкімет Жетісу облысын ауызсумен қамтуға 480 млн теңге бөлді. Бұл Президент тапсырмасы бойынша Арнаулы мемлекеттік қордан бөлінген қаржы. Осы қаражатқа Алакөл ауданының Қоңыр ауылында және Қаратал ауданының Ұмтыл ауылында су желісін жүргізу жоспарланған. Нәтижесінде мыңнан астам ауыл тұрғыны ауызсумен қамтылады. Биыл Жетісу облысында сумен жабдықтау жүйесін жаңғырту және салу бойынша барлығы 18 жоба жүзеге асырылып жатыр. Жыл соңына қарай  өңірдегі орталықтандырылған ауызсумен қамтылған ауылдардың үлесін 99,9%-ға дейін жеткізу жоспарланып отыр. Мұндағы 329 ауылда  700 мыңға жуық халық тұрады.