«Береке Fest»: Тұрғындарға тиімді баға

Елімізде азық-түлік бағамын тұрақтандыруға бағытталған «Береке Fest» акциясы жалғасуда. Барлық өңірдің ірі сауда желілерінде халық күнделікті тұтынатын тауарлар жеңілдікпен сатылып жатыр.

Қызылорда қаласында жеңілдік науқанына қолдау білдірген 10-нан аса сауда нүктесі бар. Бүгінде тұрғындар игі бастаманың шарапатын көріп, әлеуметтік маңызы бар азық-түлік пен тұрмыстық заттарды тиімді бағада сатып алуда. Әсіресе, отандық өнім өндірушілер белсенді атсалысып, олардың тауары ерекше сұранысқа ие. «Береке Fest» акциясы 30-қазанға дейін жалғасады.

Шынаркүл Қаниева, Қала тұрғыны:

Мына заттардың бәріне жеңілдік болып жатыр. «Береке Fest» акциясымен жақсы бағада алып жатырмыз. Өте қуаныштымыз. Осындай акциялар бола берсін.

Жадыра Тұрлығұлова, Қала тұрғыны:

Қазіргі таңда «Береке Fest» акциясы болып жатыр. Халықтың қалтасына тиімді акция. Тиімді бағада сатылуда. Күнделікті жеміс-жидегімізді осы жақтан аламыз. Бәрі арзан бағада.