Атырауда Жайық жағасын тазалады

Атырауда «Аманат» партиясының қолдауымен «Таза Қазақстан» акциясы аясында «Таза бейсенбі» экологиялық шарасы өтті. Игі науқанға 50-ге тарта студент қатысып, Жайық жағасын қоқыстан тазартты. Нәтижесінде жарты тоннадан астам қалдық жиналып, арнайы автобазаға тапсырылды. Сондай-ақ акцияға қатысушылар жағада балық аулап отырған әуесқой балықшыларға тазалықты және табиғатты сақтау бойынша түсінік жұмыстарын жүргізді.

Абылай Құрметұлы, «Amanat» партиясы ЖҚ Атырау облыстық филиалының төрағасы:

Өзімнің жеке ойым, жалпы ең таза жер – бұл жиналған ер емес, шашылмаған жер деп білемін. Қазіргі таңда «Таза Қазақстан» идеологиясы бар және экологиялық мәдениетті арттыру бар, соның нәтижесінде өзімнің байқағаным, соңғы 5-6 жылдықта қоғамның көзқарасы, экологиялық мәдениеті өте жоғарылады.