Миға жоғары дәлдікпен операция жасайтын робот жұмысын бастады

Қарағандыда миға жоғары дәлдікпен операция жасайтын нейрохирургиялық робот қолданысқа берілді. Жасанды интеллектпен жабдықталған құрылғы миға жасалатын ең күрделі операцияларды миллиметрлік дәлдікпен орындай алады. Мұндай робот дәрігерлердің жұмысын жеңілдетіп қана қоймай, оған енгізілген медициналық деректерді өздігінен талдай алады. Жаңа жүйе жылына 300-ден астам нейрохирургиялық операция жасайды. Дәрігерлер жаңа қондырғыны игеру үшін арнайы оқудан өтіп,  олар Қытайға барып, сынамалық операцияларға қатысқан.

Еркін-Дәуір Құрманғалиев, Х.Ж.Мақажанов атындағы көпсалалы аурухана директоры:

Біздің дәрігерлер жаңа құрылғыны қолдануға дайын. Робот Паркинсон ауруы мен эпилепсия дертіне шалдыққан науқастарға, сондай-ақ ми ісігі бар адамдарға күрделі операциялар жасай алады. Бұл дәрігерлеріміздің жұмысын жеңілдетері сөзсіз.