«Хан Тәңірі» командасының 19 жасар шабуылшысы Диас Төлеу өмірден өтті

Бірінші футбол лигасында ойнайтын «Хан Тәңірі» клубының ойыншысы Диас Төлеу матч кезінде есінен танып, жасыл алаңда жан тапсырды. Қайғылы оқиға Екібастұз командасымен кездесуде болған. Ақпаратты Қазақстан футбол федерациясы растады. Қазір арнайы комиссия құрылып, оқиғаның мән-жайы анықталып жатыр. Әріптестерінің айтуынша, Диас Төлеу футболды жан-тәнімен жақсы көретін, талантты ойыншы еді. Спортшы – алматылық «Қайрат» клубының түлегі. Осы маусымда «Хан Тәңірі» командасында 25 ойын өткізіп, 3 гол соқты, 4 нәтижелі пас берген.