Банктердің жеке деректерді сақтау мерзіміне қатысты талап қатаңдайды

Енді, азаматтардың жеке деректерін сақтау бойынша банктерге талап қатаңдайды. Осы мәселе бүгін мәжілісте қоғамдық палатаның отырысында айтылды. Нақтырақ, цифрлық кодекс жобасы мен банктер және банк қызметі туралы заң жобасы талқыланды. Бұған дейін, банктер мен микро қаржылық ұйымдар несие алған азаматтар туралы жеке деректерді несиесі толық төленіп, жабылғаннан кейін де ұзақ мерзімге өздерінде сақтай беретін. Алдағы уақытта бұл бағытта талап күшеймек.

Ростислав Коняшкин, ҚР Жасанды интеллект және цифрлық даму вице-министрі:

Несиеңізді толық өтесеңіз де банктер сіз туралы ақпараттарды белгілі бір уақытқа сақтауға міндетті. Деректер банктерде әр түрлі уақытқа сақталады. Дегенмен, біз осы мәселені реттеу үшін талапты қатаңдатуды көздеп отырмыз.