Каспий теңізінің тағдырына алаңдаған белсенділер дабыл қақты

Осылай, Ақтауда қарт каспий теңізінің жағасында дабыл қағылды. Барабанның дүрсілі – жаһанға қарата айтылған үндеу. Каспий теңізінің толқыны бәсеңдеп, жылдан жылға судың деңгейі азайып барады. Тағы бір өзекті мәселе – сол теңіздің ластануы. Осыған байланысты «Жаңа адамдар» қозғалысының белсенділері Ақтауда экологиялық шара өткізді. Жүздеген барабанның дүрсілі теңіздің толқынымен астасып, көкке алып батпырауық ұшырылды. Оның ұзындығы 22 метр. Батпырауықта  «Каспийді сақтайық» деген үндеу жазылған.

Әлем Әліпбаев, «Жаңа адамдар» қозғалысының белсендісі:

«Біз осы акция бойынша видео түсірдік. Ол үш тілде болды. Қазақ, орыс, ағылшын. Бұл үндеуді бәрі көру үшін басқа елдерге де тараттық. Яғни, бұл тек ғана Қазақстанның мәселесі ғана емес, барлық Каспий маңындағы мемлекеттердің мәселесі».