Басты Жаңалықтар Фермерлерге субсидия мен мемлекеттік қолдау бойынша ЖИ кеңес береді

Фермерлерге субсидия мен мемлекеттік қолдау бойынша ЖИ кеңес береді

20.10.2025 17:11

Енді фермерлерге субсидия мен мемлекеттік қолдау бойынша жасанды интеллект кеңес береді. Бүгін бұл жөнінде Сенаттың комиссия отырысында Премьер-Министр орынбасары – Жасанды интеллект және цифрлық даму министрі мәлімдеді.

Жаслан Мәдиевтің айтуынша, фермерлерге субсидия мен мемлекеттік қолдау бойынша кеңес беретін жасанды интеллект көмекшісі енгізіліп жатыр. Сонымен қатар «Электрондық агроөнеркәсіп кешені» экожүйесі құрылуда. Ол Smart Farming технологиясына негізделген. 2028 жылға қарай ауыл шаруашылығы жерлерінің кемінде 50%-ы цифрлық бақылауға алынады деп жоспарлануда.

Жаслан Мәдиев, Премьер-министрдің орынбасары – Жасанды интеллект және цифрлық даму министрі:

Бұл егін өнімділігін 20–25%-ға арттырып, құрғақшылық пен зиянкестерден болатын шығындарды азайтуға сеп болады деп күтілуде. Мал басының 90%-ы RFID-белгілер мен жасанды интеллект арқылы таңбаланады. Бұл шаралар елдің азық-түлік қауіпсіздігін нығайтады.

Автор

Самал Қабышева

Бөлісу