«Қайрат» – «Пафос»: «Qazaqstan» телеарнасы тікелей эфирде көрсетеді

Бүгін Алматыда өтетін «Қайрат» – «Пафос» ойынына жанкүйерлер үшін қосымша автобустар жүреді. Қала әкімдігінің хабарлауынша, матч аяқталған соң 6 бағыт бойынша 60 қосымша қоғамдық көлік қатынайды. Сондай-ақ стадион аумағында екі жедел жәрдем бригадасы кезекшілік етеді. Ойын алдында Абай даңғылы мен оған жақын Байтұрсынұлы, Сәтбаев және Шевченко көшелерінде көлік қозғалысы уақытша шектеледі. Бүгін 21:35-те Алматыдағы Орталық стадионда УЕФА Чемпиондар лигасы аясында қазақстандық «Қайрат» пен кипрлық «Пафос» командалары кездеседі. Ойынды «Qazaqstan» телеарнасынан тікелей эфирде көріңіздер.