Сауалнама: Елде этносаралық ахуал тұрақты

Елде этносаралық ахуал тұрақты. Мәдениет және ақпарат министрлігі жариялаған сауалнама нәтижесі осындай. Оған қатысқан азаматтардың 95 пайызы түрлі ұлт өкілдерімен береке, бірлікте тұрып жатырмыз деп жауап берген.

Айта кетсек, биыл алғаш рет Алматы, Жамбыл, Түркістан және Жетісу облысында аудандық деңгейдегі ассамблеялар құрылды. Онда 10 мыңнан астам жас еңбек етіп, «Жаңа толқын», «50 жас көшбасшы» жобаларын сәтті іске асырды. Бұдан бөлек қазір барлық жоғары оқу орындарында Студенттік ассамблеялар жұмыс істейді.