Президенттер ALEM.AI халықаралық ЖИ орталығына барды

Келіссөзден соң Президенттер ALEM.AI  халықаралық орталығына барып,  цифрлық технологияларды дамыту және жасанды интеллектіні қолдану жетістіктерімен танысты. Мәртебелі меймандарға мемлекеттік үдерістерді басқаруға және талдауға, сондай-ақ GovTech-шешімдер қабылдауға арналған ахуалдық орталықтың тұжырымдамасы көрсетілді. Сонымен қатар Smart City технологиялары түрлі салаға жасанды интеллектіні енгізуге бағытталған Samruk-Kazyna жобалары таныстырылды. Мемлекттер басшылары Astana Hub инновациялық кластерін аралап көрді. Орталықта 1800-ден астам IT-компания мен стартап, оның ішінде шетелдің үлесі бар 460-тан аса компания тіркелген.