Ұлытау облысында «Отбасылық ферма» жобасы бойынша арзан несие берілді

Ұлытау облысында тұралап қалған ауыл шаруашылығын қайта жандандыру мақсатында жаңа жобалар қолға алынды. Мәселен, Солтүстік Қазақстан облысының тәжірибесін пайдаланып, өңірге 13 мыңға тарта қой әкелінген. Алдағы уақытта 6 мың бас ірі қара өсірілмек.

Аймақта суармалы және шабындық жерлер аз болғандықтан, шаруалар шөпті көрші облыстардан сатып алуға мәжбүр. Осы мәселені шешу үшін «Отбасылық ферма» жобасы бойынша 6 ауылдық округтегі 34 қожалыққа төмен пайызбен несие берілді.

Айдос Қаболин, ш/қ жетекшісі:

Біздің жобамыз 2030-ға дейін. 26-27 жерді игеріп, құрылысты аяқтасақ. Болашақта 1000 басқа баз салып, асыл тұқымды аналық бас әкелсек деген ойдамыз.

Алмат Саухимов, облыстық а/ш және жер қатынастары басқармасының басшысы:

Отбасылық фермалар жобасын іске асыруды бастадық. Оған 1 миллиард 200 миллион қаражат бөлінді. Жергілікті бюджеттен. 34-ке тарта шаруа қожалық иелері несие алуда. Бір отбасылық фермаға 250 миллион теңге 3.5 пайызбен. 2 жылдық каникулы бар.