Өзбекстанда үкіметаралық комиссия отырысы өтеді

Бүгін Өзбекстанның Хиуа қаласында екіжақты ынтымақтастық жөніндегі бірлескен үкіметаралық комиссияның 22-ші отырысы өтеді. Премьер-министр Олжас Бектенов пен Өзбекстан үкіметінің басшысы Абдулла Арипов сауда-экономикалық қарым қатынас мәселелерін талқылайды. Жиында екі мемлекеттің басшылары арасында қол жеткізілген уағдаластықты жүзеге асыру жайы қаралмақ. Сауда-экономикалық қарым-қатынастарды дамыту, өнеркәсіп, көлік-логистика, цифрландыру, су және ауыл шаруашылығы, құрылыс пен туризм салаларындағы ынтымақтастықты тереңдету жайы қамтылады.