«Береке Fest» акциясы Қарағандыда да болып жатыр

Қазақстандағы кез келген сауда желісінде отандық өнімнің үлесі 30 пайыздан кем болмауы керек. Сондықтан бүгінде өзімізде шығарылатын  тауарларға басымдық берілуде. Мәселен, Қарағанды қаласында республикалық «Береке Fest» акциясы өтуде. Мұнда 300-ден аса сауда орнында отандық өнімдер мен түрлі тауарларға 10 пайыздан 50 пайызға дейін жеңілдік қарастырылған. Онымен қоса мереке қарсанында «Republic Day» акция өтіп жатыр. Оған еліміз бойынша 220 астам ірі сауда орындары қатысуда.

«Береке Fest» акциясы қазан айының соңына дейін жалғасады. Бұл акциядағы басты мақсаттардың бірі – халық арасындағы отандық өнімді насихаттау, отандық өнімнің үлесін арттыру. Заңнама негізінде сауда желілеріндегі сөрелердің 30 пайызы отандық тауарға берілуі қажет.