Ресейде Мәншүк Мәметованы еске алу шарасы өтті

Бүгін Кеңес Одағының батыры Мәншүк Мәметованың туған күні. Осыған орай Ресейдің Псков облысында еске алу шарасы өтті. Қазақстандық делегация мен жергілікті тұрғындар пулеметші, Кеңес одағының батырының бейітіне барып, ерлігіне тағзым етті. Ол 1943 жылы 15 қазанда Псков облысы, Невель ауданы Ново-Заиванье ауылында қорғаныс шебінде жалғыз өзі пулеметпен оқ боратып, қаһармандықпен қаза тапқан.

Валентина Иванова, Псков облысының тұрғыны:

Біз Мәншүк Мәметова сияқты батырларымыздың ерлігін ешқашан ұмытпаймыз. Біз осы ауылда тұратын тұрғындар үнемі ерлігі туралы айтып, шаралар өткіземіз.