Түркі елдерінің бірлігі – тәуелсіздіктің арқасы

Қазақстанның өз алдына ел болуы біздің көңілімізді көтеріп, рух берді. Егемендік декларациясы қабылданған күн ерекше тарихи күн екені сөзсіз. Біз екі ел арасындағы байланыстың беки түсуі үшін аянбай еңбек етеміз дейді 1912 жылы түркітілдес елдерді біріктіру мақсатында құрылған Түркиядағы ең ірі қоғамдық бірлестік - «Түркі ошақтары» ұйымының Анталия қаласындағы басшысы Абдуллаһ Уйсал.

Абдуллаһ Уйсал, «Түркі ошақтары» қоғамдық ұйымының Анталия қаласындағы басшысы:

1990 жылдардың басында Кеңес үкіметінен түркітілдес елдер бөлініп шыққанда біз сіздерден артық қуанбасақ кем қуанбадық. Біздің туымыздың жанына бес тәуелсіз түркі мемлекетінің тулары келіп қосылуы көңілімізді көтеріп, рух берді. Қазақстан тәуелсіздік алғаннан кейінгі аз уақытта білім беруде, мәдениетте, өндірісте, экономикада алға басуы бізді де қуандырады. Республика күнімен қазақстандық бауырларымды шын жүректен құттықтаймын!