ЕҰУ-да мұнай-газ химиясы және полимерлік материалдар зертханасы ашылды

Республика күні қарсаңында Еуразия ұлттық университетінде мұнай-газ химиясы және полимерлік материалдар зертханасы ашылды. Жаңа ғылыми орталық жалпы құны 300 миллион теңгеден асатын заманауи құрал-жабдықтармен қамтамасыз етілген. Жобаны жүзеге асыруға Ғылым және жоғары білім министрлігі, Энергетика министрлігі, «ҚазМұнайГаз» ұлттық компаниясы және Қазақстанның мұнай-газ химиясы қауымдастығы қолдау көрсетті. Бұл бастама – ғылым мен өндіріс арасындағы байланысты күшейтуге бағытталған маңызды қадам. Қазір зертханада 30-дан астам жас ғалым жұмыс істейді. Олар көмірсутек шикізатын қайта өңдеу, жаңа полимерлік композиттер мен экологиялық таза материалдарды жасау бағытында зерттеу жүргізіп жатыр.