Түркістанда «Қыран елім – Қазақстаным!» салтанатты іс-шарасы өтті

Түркі әлемінің рухани астанасы – Түркістан қаласында 25 қазан – Республика күніне арналған «Қыран елім – Қазақстаным!» салтанатты іс-шарасы өтті. Мерекелік іс-шарада аймақ басшысы  Нұралхан Көшеров жұртшылықты айтулы мерекемен құттықтап, өңірдің дамуына елеулі үлес қосып келе жатқан бір топ азаматты марапаттады. Олардың қатарында еңбек ардагерлері, мұғалімдер мен дәрігерлер, мәдениет және бизнес өкілдері, бақташылар мен машинистер бар. Салтанатты шара соңы мерекелік концертке ұласты. Облыс өнерпаздары көпшілікке көтеріңкі көңіл-күй сыйлап, мың бұралған бишілер өнерімен тәнті етті. Отаншылдық рухтағы әндер шырқалып, ел бірлігі ұлықталды.

Мекенбай Атабайұлы, Еңбек ардагері:

Кауын-қарбыз, жоңышқа, жүгері, бидай, соларды өсірдік. Бәрінен жақсы өнім алдық. Аленді біздің еңбекті бағалап, осындай азамат екен деген облыс әкіміне рахметімді айтамын.