Астанада ақын Қадыр Мырза Әлінің мұрасы насихатталды

«Қадыр Мырза Әлі мұрасы және білім берудегі инновациялық әдістердің интеграциясы». Осындай атаумен Астанада танымды әрі тағылымды шара өтті. Мақсат – Қадыр Мырза Әлінің шығармашылық мұрасын насихаттай отырып, заманауи инновациялық әдістерді оқыту тәжірибесіне енгізу және ғылыми зерттеулерді білім беру үрдісімен интеграциялау. Шара барысында әдебиет, білім саласындағы ізденістер талқыланып, оқушылар да өз шығармашығын көрсетті.

Аружан Жахан, мектеп оқушысы:

Бүгін Қадыр Мырза Әлінің 90 жылдығына орай ақынға арнап өлең жазып келдім. Осы мектепте біз Қ.Мырзәліні оқимыз, оның өлеңдерін жаттап аламыз және ол жайлы зерттейміз.