Алматыда терракт жасамақ болған 5 шетелдік азамат ұсталды

Алматыда теракт жасамақ болды деген күдікпен шетелдік бес азамат ұсталды. Ұлттық қауіпсіздік комитеті терактінің алдын алған. Қазір күдіктілер қамауға алынып, тергеу жүріп жатыр. Жалпы қыркүйек-қазан айларында терроризмді насихаттады деген күдікпен 8 қазақстандық қамауға алынған. Ұлттық қауіпсіздік комитетінің мәліметінше, Қылмыстық-процестік кодекстің 201-бабының 1-бөлігіне сәйкес тергеу деректері жария етілмейді.

Айта кетсек, жыл басынан бері терроризм мен экстремизмге қатысты істер бойынша 89 адам қылмыстық жауапкершілікке тартылған, оның алтауы шетел азаматы.