Суды рұқсатсыз пайдаланғандарға ₸46 млн айыппұл салынды

Қызылорда және Түркістан облысында суды рұқсатсыз пайдаланғандарға  46 миллион теңге көлемінде айыппұл салынды.

Биыл елімізде жаңадан қабылданған «Су Кодексі» бойынша қадағалау құзыреті «Арал – Сырдария бассейні» инспекциясына беріліп, салада бақылау күшейді. Мамандар жыл басынан бері заңды белден басқан шаруашылықтарға 439 әкімшілік іс қозғаған. Жалпы өткен егін маусымында инспекция  мамандары 300-ден аса шаруашылыққа жаңа «Су Кодексі» заңнамасын түсіндіріп, ескерту берген.

Зейнулла Қазтоғанов, «Арал – Сырдария бассейні» инспекциясының басшысы:

46,7 млн теңге айыппұл салынып, қазіргі таңда 292 тұлғадан 26,5 млн өндіріп алынды. Қалғандары жыл аяғына дейін ҚР заңнамасына сәйкес, сот орындаушылармен толық өндіріліп алынады.