Павлодарда ҰБТ-ға көмектесемін деп ақша алған күдікті ұсталды

Павлодарда Ұлттық бірыңғай тестілеу тапсыру кезінде жәрдемдесемін, деп қала тұрғынынан 1 млн. теңге алған азамат ұсталды. Ол қала мектептерінің бірінде бұрын мұғалім болып істеген екен. Қазір сотқа дейінгі тергеп-тексеру амалдары басталды. Полицияның мәліметіне қарағанда күдікті ақша алған адамға берген уәдесін орындамаған. Онымен қоймай, алған ақшасын кері қайтарып беруден бас тартыпты.

Дәуіт Ғосманұлы, қылмыстық полиция басқармасының жедел уәкілі:

Аталған дерек бойынша сотқа дейінгі тергеп-тексеру басталды. Сонымен қатар күдіктінің облыс аумағында осыған ұқсас қылмыстарға қатыстылығы тексерілуде.