ЛГБТ-ны насихаттағандарға қатысты жаза күшейтіледі

Елімізде ЛГБТ-ны насихаттағандарға қатысты жаза күшейтіледі. Бүгін Мәжілістің жұмыс тобында Мұрағат ісі мәселелері жөніндегі заң жобасы аясында ЛГБТ мен педофилияны насихаттауға тыйым салу нормалары талқыланып, қабылданды. Жиынға қатысушылар теріс насихат түрлерін заң аясында барынша шектеп, жауапкершілікке тарту керектігін қатаң айтты. Мысалы, депутат Еділ Жаңбыршин ЛГБТ-ны ашық және жанама жолмен насихаттаған адамдарды қылмыстық жазаға тартуды ұсынған.  

Еділ Жаңбыршин, Мәжіліс депутаты:

Біз насихатқа қарсымыз. Ары қарай қалай өмір сүресіңдер, өмір сүре беріңдер. Біздің шаруамыз жоқ. Бірақ насихат жасамаңыздар. Енді насихат жасайтын болсаңыздар, оған заңмен қудалау болады.