Түркістан облысында денешынықтыру сабағында оқушы қайтыс болды

Түркістан облысының Шардара ауданында 5-сынып оқушысы денешынықтыру сабағы кезінде құлап, қайтыс болды. Облыстық Білім басқармасының мәліметінше, денешынықтыру мұғалімі мен мектептің медициналық қызметкері балаға алғашқы көмек көрсетіп, ауруханаға жеткізген. Өкінішке қарай, бала операция кезінде көз жұмды. Осы оқиға бойынша полиция қылмыстық іс қозғады. Қайғылы оқиғаның мән-жайы анықталып жатыр.

Аманжолов атындағы жалпы білім беретін мектепте орын алған оқиға. Облыстық Білім басқармасы мен білім бөлімінің бақылауында. Алдын ала мәліметке сәйкес, денешынықтыру сабағы кезінде оқушы жаттығу кезінде құлап, жарақат алған.