«Бөл, тапсыр, қайта өңде!» экологиялық жобасы жалғасуда

Қарағанды облысында «Бөл, тапсыр, қайта өңде!» экологиялық жобасы жалғасуда. «Таза Қазақстан» экоакциясы барысында Шахтинск пен Саран қаласының мектептерінде оқушыларға тұрмыстық қалдықтарды сұрыптау және қайта өңдеудің маңызы туралы түсіндірілді. Жобаға облыстың 30 мектебінен шамамен 1500 оқушы қатысуда. Олар сабақтан тыс түрлі экологиялық ойындарға қатысып, атсалысуда. Бағдарламаның негізгі мақсаты – балалардың табиғатқа жанашыр көзқарасын қалыптастыру, экологиялық мәдениетті арттыру.

Айтуар Қуат, қалалық Жастар ресурстық орталығының басшысы:

Біздің қаламыздың біршама мектебі жарысқа белсенді қатысуда. Біздің мақсатымыз - экологиялық акцияны қалыптастару.