Каспийде итбалықтар тағы қырылып жатыр

Маңғыстау облысында теңіз жағасынан жүзден астам өлген итбалық табылды. 

Теңіз сүтқоректілері Түпқараған ауданы Форт-Шевченко, Баутин елді мекендері маңынан шығып жатыр. Оқиға орнына барған экологтар мен балық инспекторлары Асан елді мекені жағажайынан 39, Форт-Шевченко қаласынан Баутин мүйісіне дейінгі аралықтан 73 итбалықтың өлексесін анықтаған. Мамандар алгоритм бойынша жұмыс істеп, аумақта мониторинг жүргізуде.

Еске салайық, итбалықтар биыл көктемде де жаппай қырылды. Жағалаудан шамамен 400-дей өлексе жиналған болатын.