«Наурыз» ипотекасына алғашқы күні 4 мыңнан астам өтінім қабылданды

«Наурыз» ипотекасына алғашқы күні 4 мыңнан астам өтінім түскен.  Оның жартысы үш сағаттың ішінде қабылданған. «Отбасы банктің» мәліметінше, тұрғындар көбіне Астана, Алматы, Шымкент қалаларынан пәтер алуға ниет білдіріп жатыр. Бағдарламаға қатысушылардың 73%-ы 35 жасқа дейінгі азаматтар.

Айта кетсек, «Наурыз» бағдарламасына өтінім қабылдау кеше басталды. 1 желтоқсанға дейін жалғасады. Басты талап - соңғы бес жылда атыңызда үй болмауы керек. Алғашқы жарна – 2 миллион теңге. Құжаттарды «Отбасы банкі» бөлімшелеріне барып немесе онлайн тапсыруға болады.