АҚШ-та 144 мың литр отын тиеген ұшақ апатқа ұшырады

 АҚШ-тың Кентукки штатында жүк таситын ұшақ құлады. Гавайға бағыт алған ұшақ көкке көтерілгеннен кейін бірден апатқа ұшыраған. 7 адам қаза тауып, 11 адам жараланды. Қаза тапқандар мен жараланғандардың саны әлі де өсуі мүмкін. Ұшақ бортында экипаждың үш мүшесі болған. Жердегі адамдар да зардап шеккен. Олардың нақты саны анықталып жатыр. Ұшақ бортында 144 мың литр отын болған. Апат кезінде ұшу-қону жолағы өртке оранды. Жалын әлі сөнген жоқ. Бұл оқиғадан кейін Луисвилл әуежайы жабылды. Апатқа не себеп болғаны әзірге беймәлім. Тергеу жүріп жатыр.