Ерлан Қарин: Президент қол қойған құжат мемлекеттік саясаттың идеялық мәнін түсінуге мүмкіндік береді

Президент қол қойған бұл құжат мемлекеттік саясаттың идеялық мәнін және еліміздің болашақтағы бейнесінің айқын бағытын түсінуге мүмкіндік береді. Бұл туралы Мемлекеттік кеңесші Ерлан Қарин телеграмм арнасында жазды.

«Президент Әкімшілігі жарты жылдан астам уақыт бойы түрлі диалог алаңдарында Ұлттық құрылтай мүшелерінің, сарапшылардың, қоғамдық және ғылыми ұйымдар өкілдерінің қатысуымен пікірталастар ұйымдастырды. Нәтижесінде тұжырымдамалық құжаттың жобасы әзірленді. Ішкі саясат саласындағы жұмысты жүйелеп, үйлестіруді көздейтін құжат бірінші кезекте мемлекеттік органдарға арналған», - деді Мемлекеттік кеңесші.