Жер қойнауын заңсыз пайдаланғандар лицензиясынан айырылады

Жер қойнауын заңсыз пайдаланғандар лицензиясынан айырылуы мүмкін. Бүгін Мәжілісте тиісті заң екінші оқылымда мақұлданды. Енді барлауға рұқсат етілген аумақтар заң жүзінде бекітіледі. Арнайы карта жасалмақ. Онда барлық елді мекен, ұлттық парктер, қорықтар да көрсетіледі. Мәжіліс депутаты Еділ Жаңбыршиннің айтуынша, бұл пайдалы қазбаларды ұрлықтан қорғаумен қатар, инвесторларды тартуға көмек береді.

Әлі табылмаған байлық бар. Бізде 15 провинция болса, соның бесеуі ғана жақсы зерттелген. Бұл Мемлекет басшысының тапсырмасына сәйкес жасақталған дүние. Себебі біз осы салада жаңа технология қолдануымыз керек, соған ынталандырып жатырмыз.