Филиппинде қаза тапқандар 114-ке жетті

Филиппин аралдарында «Калмаеги» тайфунынан қаза тапқандар саны 114-ке жетті. 127 адам хабар-ошарсыз кеткен. Табиғи апаттан Себу провинциясы айтарлықтай зардап шекті. Дауыл кезінде 200 мыңнан аса тұрғын қауіпсіз жерге көшірілген. Қазір зардап шеккен өңірлерді қалпына келтіру жұмыстары жүріп жатыр. Президент Қасым-Жомарт Тоқаев «Калмаеги» тайфунының салдарынан көптеген адамның қаза табуына байланысты Филиппин Президенті Фердинанд Маркосқа көңіл айтты. Мемлекет басшысы зардап шеккендердің тезірек сауығып кетуіне тілектестік білдірді.