Павлодарда «Жасыл мектеп» экологиялық шарасы өтті

«Таза Қазақстан» республикалық акциясы аясында Павлодардағы электроника және коммуникациялар колледжінде «Жасыл мектеп» экологиялық шарасы өтті. Оған ұйытқы болған облыстық «Жасыл ел» штабы мен Ақпарат және қоғамдық даму басқармасы. Шара барысында колледж студенттері викторинарлық ойындарға қатысты. Мақсат жастарды ерте бастан экологиялық мәселелерге бей-жай қарамауға тәрбиелеу, тазалық сақтауға үйрету.

Гузел Қапенова, «Жасыл ел» облыстық штабының менеджері:

Осы шара үш кезеңнен тұрады. Біріншісі эковикторина. Екіншісі тәжірибе кезеңі. Сілті мен қышқылдың суға қандай әсер ететіні түсіндіреміз балаларға. Үшінші кезеңі тақырып бойынша жоспар жасау. Болашаққа деген өзіміздің осы жауапкершілігімізді көрсетуге арналған осындай кезең болып табылады. Ол ең маңызды кезең.