Astana Media Week: Жазу және журналистік этика

Сенім. Миссия. Тағылым. «Astana Media Week» медиа апталығының үшінші күні осы тақырыпта өрбіді. БАҚ өкілдерінің басын қосқан форум таптырмас тәжірибе алаңына айналды. Бүгін қатысушылар сауатты контент қалыптастыру, мақаладағы дәйексөздерді дұрыс пайдалану, қалам иелерінің қоғам алдындағы жауапкершілігі жөнінде пікір алмасып, медиа-сарапшылардың дәрісін тыңдады. 

Алтынбек Бисенов, журналист:

Жасанды интеллектіні дамытуға байланысты көптеген тренингке қатыстық. Әсіресе, мына ақпарат саласындағы баспасөз қызметі, журналистка саласындағы мүмкіндіктердің мол екендігін естіп, өзімізге тұшымды мәліметтер ала білдік.

Әнел Әлімбекқызы, журналист:

Қазіргі болып жатқан сөйлемді қалай дұрыс құрау керек, қалай дұрыс сөйлеу керек бұның барлығы болашақ журналистерге, медиа мамандарға керек дүние деп ойлаймын. Біз тек қана қатысып жатқан жоқпыз. Біз орта құрып жатырмыз.