«Үркер-2025» ұлттық сыйлығының жеңімпаздары марапатталады

Санаулы сәттен кейін «Үркер» - 2025» Ұлттық сыйлығының жеңімпаздары белгілі болады. Баспа, радио және интернет-журналистика саласындағы үздік шығармашылық ұжым мен талантты тілшілер марапатталмақ.  
Жалпы, «Үркер» ұлттық сыйлығы Мәдениет және ақпарат министрлігінің бастамасымен 2017 жылдан бері ұйымдастырылып келеді. Биыл ұлттық бәйге 11 номинация бойынша өткізіліп отыр. Оған 400-ден астам өтінім келіп түскен. Соның ішінде шорт-листке 44 номинант енді. Атап айтқанда, «Жылдың үздік сұхбаты», «Жылдың үздік репортажы», «Үздік өңірлік БАҚ» тағы да басқа аталымдар бойынша жүлдегерлер анықталады. Жеңімпаздарға «Үркер» естелік мүсіншесі және бір миллион теңге ақшалай сыйлық табысталады.