Ішкі саясат саласын жүйелейтін құжат еліміздің 2029 жылға дейінгі даму жоспары негізінде әзірленген

Ішкі саясат саласын жүйелуге арналған құжат еліміздің 2029 жылға дейінгі даму жоспарын негізге ала отырып әзірленген. Бұл ұлттық идеологиямызды бекітіп, халықты ұйыстыруға бағытталған тұжырымдама, дейді депутат Ерлан Саиров. Расында, бұл – барлығын біріздендіретін, қоғамның тұтастығын күшейтетін негізгі стратегиялық жол картасы болмақ. Тұжырымдама мемлекеттік құрылымдардың ғана емес, ақпарат, мәдениет сынды жалпы қоғаммен байланыс саласындағы жұмыстарды бір арнаға тоғыстырады.

Ерлан Саиров, ҚР Парламенті Мәжілісінің депутаты:

Айналамызда геосаяси жағдай өте күрделі. Осындай аумалы-төкпелі заманда мемлекет ішкі тұрақтылық пен үйлесімділікті сақтап тұру үшін әртүрлі тәсіл мен амалдарға баруы қажет. Қазақстанның ішінде қанша көзқарас болса да, осы мемлекеттік мүддеге келген кезде барлығымыз бірігуге ықпалды болуымыз керек. Бұл құжат соған бағытталған.